Las staçones i apeadeiros de caminos-de-fierro de l'abandonada linha de l Douro, de ls dous lados de la raia, son l tema dua sposiçon de retratos que puode ser bista an Barca d’Alba, ne l cunceilho de Figueira de Castielho Rodrigo, até al fin de l més.
Inda bos lembrais?
La staçon de Sendin
La staçon de l Pocinho
Antre la localidade spanhola de La Fuente de Santo Steban i la pertuesa de Dues Eigreijas (Miranda de l Douro), passando por Barca d’Alba i l Pocinho (Bila Nuoba de Foç Cóa), Bitorino García Calderón tirou 85 retratos, agora apersentados cun testos de Ángel González Quesada y Anrique de Sena. L'oujetibo de “ La Raia Rota ” ye pensar subre ls «spácios físicos que simbolizan bien l'antercomunicaçon antre estes dous territórios trasfronteiriços», diç l'ourganizaçon, para quien este traçado, ancerrado a 31 de Dezembre de 1984, ye «l'alegorie de l çpoboamiento, la mimória d'outros tiempos d'eisílio, eimigraçon, cuntrabando, “restos de solene antiguidade que quédan na mimória”, cumo dixe un die José Saramago».
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
