Muitos sendineses tubírun que eimigrar para podéren ganhar para bibir i este ten sido l fado zde hai cientos de anhos, muitos tórnan i porqui fázen casa i pénsan fazer ua nuoba bida, mas ye “Sol de pouca dura”, la ganância de ua sociadade sien sentimentos i de pessonas sien cultura, que se habituórun a bibir de la sploraçon de ls outros, de brebe ls faç eimigrar de nuobo ou le tira la spráncia de ua nuoba bida. Poucos acában por quedar para siempre. Que mai tan mala ten sido la nuossa Pátria que nun acarina ls sous filhos.
Mas alguns inda cuntínan a lutar por ua Pátria melhor, por esso bos amostro este bideo de un desses eimigrantes que retrata bien l que fui la bida. Bale la pena oubir todo cun atento, porque al amostrar las ferramientas de l sou ofício, ban lhembrando sfregantes de ua bida de lhuta i trabalho sien se dar cunta.
Deixo solo ua pregunta para pensardes:
- Quando ls paízes de la Ouropa lhútan por bibíren, an paç, apuis de séclos de guerra, cumo ye possible ls sendineses amostráren ódio uns puls outros?
“Oh! Vã cobiça! Oh! Vã sede de mandar!”
Quando tenereis l’ourgulho de serbir?
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
