Quando ampeçamos cun ua nuoba ambora lhougo aparécen mil i uma a mais i que mos píeden para amostrar, tenemos muitos mais filmes, retratos i testos para bos amostrar, mas inda hai tamien quien nun querga que cuntinemos cul nuosso trabalho. Son ls que nun quíeren que la cultura seia de todos i que steia al serbício de todos, mas nada puode parar l zambuolbimiento de la sociadade. L mirandés siempre fui ua lhéngua biba i cuntinará porque stá ne ls genes de ls mirandeses, nun ye solo de squierda ou dreita, de anteletuales ou de políticos, ye de todos ls mirandeses que nun ténen bergonha de l ser.
Este bideo amostra bien que l mirandés ye de l pobo, porque este eimigrante l guardou siempre cul. Tenemos ua grabaçon culs mesmos bersos zde hai muito tiempo, mas amostramos-bos este bideo, porque podemos ber tamien a tiu Antonho Fernandes, que fui nuosso bezino, ye ua stória an berso que mos amostra tamien algo de la bida de hai mais de 60 anhos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
