Argoselo -- 2
Rebordelo - 1
Inda nun fui desta que amostramos l jogo de l Sendin, mas este jogo antre l Argoselo i l Rebordelo era l jogo mais amportante deste die até porque ls dous son ls percipales cadidatos a ganhar l campeonato deste anho. Débeis ber cun atento l bideo porque podeis ber l que son ls campos sien yerba ne ls dies de chuba. Yá nun se usa esto i nun mos béngan dezir que nun hai denheiro, porque se gasta muito para cousas menos amportantes…
Tamien gostariemos que mirassedes bien para las jogadas mais cuntestadas para ber cumo se cundiciónan ls jogos, mas tamien hai Dius para fazer justícia. Bamos a sperar por tiempo buono para amostrar l Sendin. Onte ampatou 3-3 cul Poiares, an Freixo i parece que tamien alhi l jogo fui cundicionado.
Poiares - 3
Sendim - 3
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
