retrato de Federico Correia
L tránsito na A4 i ne l IP4 bai a star cundicionado a la nuite até quinta-feira, pa la rializaçon de trabalhos de la respunsablidade de la Cuncesson de l Túnel de l Maron. Ls trabalhos an curso son para trasformar an outo-strada l IP4, na zona de Amarante, nua obra ancluída na outo-estrada que bai ligar l Porto a Quintanilha, an Bergáncia.
D'acuordo cula Brisa, antre las nuobe de la nuite i las cinco de la manhana, la A 4 quedará cortada ne l sentido Porto-Amarante, antre la salida de Marco de Canavezes i la ancruzelhada de Geraldes. Por sue beç, l IP4 será cortado ne l sentido Vila Real-Amarante, antre la ancruzelhada de Padronelo i la ancruzelhada de Geraldes. L'altarnatiba ye la Strada Nacional 15 ou la A 7.
Na nuite de quarta para quinta-feira, tamien de las nuobe de la nuite a las cinco de la manhana, l IP4 quedará cortado al tránsito antre la ancruzelhada de l’Aboadela i la ancruzelhada de Padronelo.
La Outo-Strada de l Maron bai a tener ua stenson de 29,8 quilómetros , ne ls quales se anclui l maior túnel rodobiairo de la Península Eibérica , cun 5,6 quilómetros , i passará a ligar Amarante a Vila Real a partir de 2012. L 'ambestimiento na obra ye de 350 melhones d'euros, mas ne l total de ls 30 anhos de cuncesson será de 456 milhones d'euros.
Scrito por Brigancia i traduzido pul HOIJE
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
