Pouca giente saberá que Mogadouro ten campo d’abiaçon, nun será ua cousa assi tan amportante deziran alguns, mas l que ye cierto ye que hai i funciona para alguas atibidades ligadas als abiones i se nun sirbe para mais, ye tamien porque la giente inda nun soubo fazer sentir la necidade deilhas. Nun stamos nua region que seia muito neçairo l trasporte por abion, mas poderie serbir para ciertas oucasiones, ou para táxis aéreos ou para turismo.
Tamien hai ls que se ríen de se falar an turismo, mas hai muitas formas de turismo i l campo de abiaçon de Mogadouro ye un meio amportante de traer giente i cada beç mais. Por haber campo de abiaçon, passou a haber ua scuola de pilotos para daprendéren a pilotar abiones sin motor (planadores). 1/3 de ls pilotos de planadores que tirórun l curso este anho, tirórun-lo an Mogadouro. L campo de abiaçon sirbe tamien para apoio a la proteçon cebil.
L Praino ye un sitio eideal para se pilotáren abiones planadores i esta debe ser mais ua atibidade para l turismo de la nuossa region.
Neste bideo podeis ber essa ambora i tamien outra de que ciertos cruzamentos de l IP4 ban a ser altarados i l HOIJE yá habie falado neilhes, para que al fazer l IC5 nun se faga la mesma asneira.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
