Ye la gripe-A, la crise i las termientas i yá se oube dezir que ye la fin de l mundo, mas nun ye nada desso, son ciclos porque passa la Tierra i que ténen a ber cun la sue biaige pul spácio i cun las mudanças de la bida, que la ban atingindo, cumo acuntece cun nós própios durante la nuossa bida. Uas bezes mais outras menos, todos bamos padecendo desso todo.
Ben ende termienta
Ye berdade que hai quien pense que ye eimortal ou que la sue bida ye l mais amportante, mas nós perpetuamos-mos ne ls nuossos filhos i nietos i ls nuossos genes cuntínan a bibir para alhá de la nuossa bida de houmanos, por esso tenemos que fazer todo para deixar un mundo melhor i deixar toda la anformaçon para que, ls que bénen apuis de nós, púoden bibir mais i melhor.
Ls sítios adonde se sentiu mais l terramoto de 1531
Anquanto acá stamos ye nuossa oubrigaçon lutar acontra la peste, la fame i las termientas i tamien acontra todas las anjusticias i ua de las formas de l fazer i poner al serbício de todos, la anformaçon que tenemos. L HOIJE deixou-bos onte un abiso subre l que se puode passar esta nuite i manhana, mas deixamos-bos tamien dues amboras que amóstran bien que siempre fui assi:
Nuzedo
- Ua grande truniada caiu an Trás-ls-Montes, en Marçio de 1519, subre l lhugar de Nouzedo, ne l termo de Vinhais, adonde arrincou casas i fizo ls maiores stragos “ sem ficar nada, nem vinha, nem árvores, e pastores tudo varrido à vassoura sem parecer cousa allgua, como grande deluvio da dita aguoa” ( Acenheiro , Coroniqua dos Reis de Portugal , pag. 341).
- “E no Janeiro do anno
Logo seguintes sinaes
Espantosos vimos, taes,
Que non basta ingenho humano
Aos boquejar nom maes;
Ante manhãa quinta feyra
Foy em tam grande maneira
Terramoto em Portugal,
Que se nom viu outro tal,
Nem Deus que se veja queira…”
Assi screbie Garcia de Resende subre l terramoto de 1531 ( Miscelânea, p. 379)
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
