La termienta d’hoije nun chegou a ser tan mala cumo se pensaba i ne l Praino nun passou de mais un die de chuba cumo tantos outros de un ambierno d’atrás. Mas mesmo assi i todo tenemos que lamentar l que se passou pul paiç, porque houbo muitos stragos i un nino perdiu la bida. L bideo amostra bien l que se passou.
Nós nun fazimos cumo aqueilhes que dízen ua cousa i fázen outra i cumo habiemos pedido para tener cuidado, quedemos an casa, mas mantenendo l cuntato cun todo l que se passaba para bos darmos las amboras. Inda houbo alguas bentaneiras i muita chuba por alguns sítios, mas nun tenemos amboras de grandes stragos ne l Praino.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
