Die dous de Abril de 2009 demos eiqui la ambora de la bejita de studo que ls alunos de l 2º.anho de la Scuola Suprior d’Eiducaçon de l’Anstituto Politéquenico de Bergáncia fazírun a sendin. Cumo l’ HOIJE ye un sitio que se puode cunsultar siempre que quejirdes, bonda ir al die i al més de l’ambora i tambien esta ambora la podeis ber.
Ls alunos fazírun ua recuolha de alguas palabras, cuntas i canciones i ye de ua parte dessa recuolha l bideo que bos amostro hoije. Estes trabalhos, inda que feitos por Anstitutos ou Ounibersidades, son muitas bezes feitos sien l cuidado i la eijigéncia que deberíen tener, sendo por esso creticables, mas son siempre amportantes porque algo queda registrado, que doutro modo nun quedarie.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
