Nun somos muito de comemorar estes dies porque pensamos que todos ls dies son eiguales para tratar a todo mundo cun denidade, mas sabemos tamien que inda nun hai ua cultura de modo a que la lhibardade, la eigualdade i l’amor puls outros séian respeitados por todos. Por esso hai que lhembrar estes dies para que la giente se deia cunta de que hai que demudar las práticas de bida.
Hoije ye l die anternacional de la mulhier i sabemos cumo eilhas inda son tratadas por esse mundo i mesmo antre nós. Mas para nun falar muito i para que todos pensemos bien, amostro-bos un bideo que cuido que ye mui anteressante i amostra que las mulhieres stan yá, ne l nuosso çtrito, a acupar lhugares amportantes i que d’atrás solo eran para homes i sáben acupá-los tan bien ou melhor.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
