Ls recenseamentos son mui amportantes para las sociadades podéren funcionar melhor, porque dan a quien goberna ua eideia mais cierta de la giente que ten i de las cousas que puode outelizar. Tamien ls que stúdan púoden tratar melhor ls dados i arranjar melhores soluçones para ls porblemas.
L recenseamento an Atanor
Stá a fazer-se l recenseamento agrícola i cumo tenemos tamien tierras an Atanor fazimos tamien alhá l recenseamento i quedemos admirados cun l que l nuobo presidente de la Junta yá fizo na casa de la Junta. Ten un gabinete para el atender las pessonas i ua sala para reuniones i para outras atibidades.
L gabinete de l presidente
La sala de reuniones
Este recenseamento ye amportante para se saber l que ye la nuossa agricultura, solo speramos que ls dados statisticos quéden a la mano de todos, para se pensar melhor la agricultura pertuesa. Apuis de bermos i oubirmos l que se passa ne l mundo, mais tenemos que pensar que la agricultura nun puode ser solo ua atibidade para dar denheiro, mas ua reserba stratégica para perserbar l’ambiente i ua reserba de mantenéncia. Naide bibe sien quemer i ua sociadade que quier ser, ten que tener l mínimo para bibir nun momiento de crise.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
