Gonçalo Tavares stá na final de l festibal de la cançon de la RTP 2010, manhana a las 21h24 i será la cançon numaro 10. Cumo bos habiemos yá dito eiqui, Gnçalo Tavares, casado cun ua moça de Atanor i Nina Pinto de Mogadouro fúrun semi-finalistas de l festibal i representórun bien l Praino, mas solo Gonçalo Tavares passou a la final.
Manhana todos iremos botar i fazer fuorça para que Gonçalo ganhe, mas se nun fur possible, pul menos podemos assistir a mais ua buona atuaçon de Gonçalo, que nun deixará de benir un die al Praino para mos cantar essa caçon. Hoije amostro-bos ua antrebista cun el, nua binha de la Bairrada , antes de la 2ª. semi-final de l die 4.
La botaçon de la final será cunsante l regulamiento que podeis ber eiqui:
http://img.rtp.pt/wportal/sites/tv/festival_cancao2010/pdf/regulamentoFC2010.pdf (de l numaro 23 para lantre)
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
