Trés agrupamientos scuolares de l Praino i las scuolas spanholas de l lhado de Spanha criórun un agrupamiento para ls alunos pertueses i spanholes podéren fazer bejitas a las scuolas i a la region de las tierras de ls dous lhados de l riu Douro i trocáren spriéncias de ls modos de ansino, assi cumo cumbibíren cumo dous pobos armanos de la EU.
Este ye un bideo de la bejita de ls alunos de Vitigudino (Spanha) a Bomioso, nua troca de bejitas drento de l programa de l’AECT. Todo esto faç parte de un trabalho cunjunto de la Duero /Douro, cumo las bejitas a la Copratiba de que eiqui bos falemos ne ls dies 21 i 28 de Febreiro.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
