L Menistério de l’Ambiente ampeçou un porcesso de recrutamiento de guardas pa l Parque Natural de l Douro Anternacional (PNDI), que, zde Outubre de 2009, funciona sin begiláncia. An respuosta a un requerimiento apersentado pul Bloco de Squierda (BE) na Assemblé de la República , l Menistério de l’Ambiente i de l’Ourdenamiento de l Território (MAOT) anforma que, atrabeç de l’Anstituto de la Cunserbaçon de la Natureza i de la Biodibersidade (ICNB), yá "ampeçou un porcesso de recrutamiento sterno de begilantes para tener guardas an todas las árias protegidas cun prioridade pa l Parque Natural de l Douro Anternacional (PNDI)". Este porcesso ancontra-se an "procedimiento final d'aprobaçon", diç l MAOT.
Speramos agora que nun séian ls que todo fazírun por acabar cul parque i inda hoije déixan i ajúdan a fazer todo l mal drento de l mesmo, béngan a ser ls xefes ou ls que ban a recrutar ls guardas para pagar ls botos. Staremos atentos i apuis nun béngan dezir que ye mais ua ambentona.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
