Zde hoije até al die siete de Setembre ban a botos 21 sitios de ls mais lindos de Pertual i l Balhe de l Douro ye un deilhes, yá eiqui habiemos falado desso, mas agora chegou la beç de scolher ls siete melhores i todos debiemos botar. L bideo fala-mos desso i ls que quejíren botar podeis fazer-lo.
Puode parecer que esto nun tenerá muito anteresse, mas nun ye berdade, la eileiçon de las siete marabilhas de l mundo fui mui amportante para ls sítios scolhidos, porque l turismo desses sítios passou a ser ua berdadeira riqueza i nun hai dúbedas que las siete marabilhas naturales, que fúren scolhidas, ban a ser ua berdadeira fuonte de riqueza, nada bai a ser cumo Foz-Coa, porque nun bai a ser ua cousa solo para antendidos, mas para todos ls que gústan de cousas lindas.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
