Muito se comenta porque Sendin ye bila i inda hai quien nun bei adonde stá l ganho porque l que queríen era denheiro, mas l que amporta ye que Sendin cuntina a amostrar porque yá nun ye ua aldé inda que maior que las outras, ten un statuto de eisigéncia que faç cun que las obras séien ua cousa normal drento deilha.
La rue de Santo Antonho i la rue de las Scalabadas ténen yá ls passeios de las rues, feitos. Por todo lado las obras cuntínan i cun eilhas muita giente trabalha i bai tenendo l sou amprego i al mesmo tiempo ten l denheiro, mas este denheiro ye un denheiro merecido, nun ye un denheiro dado por que hai que l dar, mas porque quien l recibe trabalha para l merecer, este i muito mais.
L HOIJE , mais ua beç bos trai las amboras para que todos ban sabendo l que se bai fazendo por Sendin. Manhana yá bos amostraremos las obras particulares que tamien se stan fazendo para quando benirdes nun quedardes mui admirados.
Yá ampeçórun a fazer ls subsídios para la agricultura, por esso ls que stais lonje ide mandando tratar de las cousas a tiempo.
Tamien este més hai que fazer la declaraçon de l IRS.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
