Las obras particulares tamien son amportantes i fázen parte de l die a die de Sendin, que a cada die que passa se bai modernizando i amostra bien que la nuossa giente nun se rinde i ye assi que caminamos para lantre, cada un fazendo l que puode para haber trabalho i mais riqueza.
Quien ben de Mogadouro lhougo a seguir a la ancruzelhada para la pecina, de l lhado dreito podeis ber esta custruçon.
I quien bai para la Touca , lhougo a seguir als Abelinos stan a fazer esta.
Muitas mais hai an custruçon, mas l tiempo nun anda de feiçon i mal se púoden tirar retratos. You sei que la giente gusta de saber las amboras de todo, por esso dar nuobas destas cousas tamien ye amportante, nin que seia para bos poner a preguntar de quien son.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
