Mais ua atibidade para fazer cun que las nuossas aldés téngan mais bida i fágan benir pessonas de outros sítios para que ls sous moradores nun se síntan solos i squecidos. La agricultura ten muitas cousas que hai que zambuolber i l nuosso termo ten tamien muito modo de ser outelizado. La caça puode ser ua atibidade que muito puode ajudar l turismo i aumentar la riqueza de ls nuossos pobos.
Criar perdizes i faisones para la prática de la caça ye ua atibidade que puode ajudar las nuossas gentes. La Associatiba de Atanor fizo ua largada de perdizes i faisones, que serbiu para ancerrar l tiempo de caça i inda que muitas fúrun las perdizes i faisones que se matórun, tamien cerca de ua centena quedórun pul termo.
Inda nun se ancuntrou un modo que seia l melhor para aumentar la caça, mas todas las einiciatibas son amportantes, porque se estas perdizes nun fazíren criaçon, pul menos sírben de alimento als predadores, que nun cómen outras mais listas.
Estes aprobeitórun l die de Sol, fazírun cumo ls lagartos
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
