Ne l die de l cunsumidor l Gobernador Cebil de Bregáncia fizo ua açon de sensiblizaçon por las rues de la cidade para que las pessonas tomássen cunta de ls sous dreitos cumo cunsuminadores, para melhor defendéren ls sous anteresses. L bideo ye amportante porque pon alguas questones amportantes a todos.
Hai que dar ls parabienes al Gobernador Cebil, porque dixo algo amportante i que poucos gobernantes fázen, que fui dezir que inda hai ua cultura de miedo l que nun mos deixa queixar, cumo cunsumidores, prencipalmente ne ls serbícios de l stado i nun outelizamos ls libros de reclamaçones para nun sermos perseguidos. Dou até un eisemplo desso i fui, para que naide tenga miedo de defender ls sous dreitos, que fizo esta açon por las rues.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
