Por todo lado hai muradales, mas se fússen solo de stierco i an sítios própios inda bá que nun bá, agora haber un muradal por todo quanto ye sitio, solo amostra que inda stamos mui loinje ne l que diç respeito al asseio i al cuidado que hai que tener cun la natureza. Ye ua berdadeira bergonha l que se passa ne ls pinheirales alredror de Sendin.
Por todo lado se stan a porparar eiquipas para lhimpar l paiç i ne l bideo que bos amostramos podeis ber l que se porpara noutros sítios. Todos podeis partecipar i para esso ye ir al www.3rdblock.net para saber l que fazer. Mas todos poderán ir a tener cun las eiquipas ne l die 20, lebar lubas i aproponer-se a ajudar, zde que cun mais de 16 anhos i bacinados acontra l tétano. Nun mos debemos solo moblizar para fiestas, mas tamien para estas einiciatibas.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
