Mais un die dedicado a la cultura, ourganizado por la ACREFA (Associaçon Cultural e Recreativa de Fonte Aldeia) i a que cháman REZOSA . Cumo siempre, este anho tamien tubo atibidades que quedarán cumo marcos na cultura mirandesa. A las quatro de la tarde tubírun lugar las palhestras.
Carlos Ferreira falou subre la “ Zerteficaçon na Tierra de Miranda – Relaçon Causa/Eifeito ”, Miguel Nóvoa subre las “ Potencialidades que o burro Mirandês pode ter no Desenvolvimento Sócio/Económico, Turístico e Cultural ” e João Paulo Miranda Castro subre l “ Emparcelamento Rural – Questões Legais e Sociais ”.
Apuis de las palhestras houbo la cena i Eisidro assou un cochino anteiro ne l speto para toda la giente i fui serbido inda un caldo berde a todos ls que quejírun. Seguiu-se la parte mais animada cun la atuaçon de l coro anfantil de Miranda i la atuaçon de ls Galandun Galandaina, que fazírun l'apresentaçon de l sou nuobo CD, tenendo cantado todas las cançones.
Apoiórun la ourganizaçon la Cámara Munecipal , la Junta de Freguesie, l IPJ i la Copratiba de Sendin. La bereadora de la cultura de la Câmara de Miranda de l Douro, Drª. Anabela acumpanhou todas las atibidades i apuis de tener agradecido l trabalho de todos para l angrandecimento de la cultura de l cunceilho, prometiu apoiar todas las associaçones i fazer todo para que antre todas haba ua maior colaboraçon.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
