Chegou la Primabera ye tiempo de benirdes al Praino tierra de ancanto i beleza. Hoije deixo-bos un bideo de un de ls recantos que podeis benir a bejitar. SANTOS – S.PAULO (SENDIM – PICUOTE). Para ls que quejíren saber mais de l lapo de ls Santos, poderemos dar-bos l resultado de l studo que fazimos, mas teneis que procurar l HOIJE ou l’ AZATS .
Screbiu assi l Pe. Mourinho:
“ …Ne l chano de las preinadas,
Bubemos nós la lhuç de las madrugadas,
Que ye de quelor rosa,
Nuobica lhuç fermosa.
…Ne ls lirios de las ribeiras,
Hai suonhos d’ourbalheiras…
Ls nuossos uolhos nun ambéijan l Sol;
Strefigurados, a las purmanhanas,
Ls páixaros oubindo,
Son ls nuossos uolhos guapas streilhas rindo.
La nuossa alma ye assi…
De la nuite al rumper l die,
Del die al çponer de l Sol,
Alma branca d’alegrie,
Sien ua raça selombrie,
Alma de Sendin an Frol!... ”
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
