L ACES ( Agrupamento dos Centros de Saúde ) de l Nordeste ten benido a fazer un trabalho mui amportante para aprocimar cada beç mais ls serbicios de salude de la giente de l Nordeste i neste fin de semana está a fazer un cungresso de radiologia cun sessones an Mogadouro i Miranda de l Douro. L bideo ye de la abertura de l cungresso, onde stubo l nuosso bereador Ilídio Rodrigues.
La realidade nacional de la radiologia i la radiologia pediátrica i torácica son dous de ls temas de l cungresso, mas l mais amportante será la teleradiologia i radiologia na comunidade. Mas para que quedeis a saber melhor l balor deste cungresso, deiqui poderán salir las melhores eideias para que se puoda tirar eiqui ua radiografie, eibitando tener que ir para fuora de l Nordeste i saber ls resultados de la mesma, podendo ls specialistas, bendo por por telebison, dáren la sue melhor oupenion.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
