(Associação dos Bombeiros Voluntários de Sendim)
La nuoba direçon tomou posse i ampeçou l sou mandato por trés anhos, trés anhos que ban a ser de muito trabalho porque las eisigéncias son maiores i la crise trai mais deficuldades eiconómicas. La maiorie de ls diretores yá fazien parte de la anterior direçon l que irá a ajudar a que todo cuntine a cuorrer bien.
Na tomada de posse l presidente quijo salientar l trabalho cumpetente de todos ls trabalhadores, sien ls quales las cousas nun tenerien corrido tan bien ne ls anteriores mandatos, l que fizo cun se eiquipássen de la melhor maneira ls bumbeiros i que se tubisse costruido l quartel. Mas hai que cuntinar a cumprar nuobos eiquipamientos porque las eisigéncias son ouras.
Por falar na eisigéncias, las obras na barraige de Picuote i ne l IC5 benírun a traer nuobas responsabilidades als bumbeiros i estes ténen sabido amostrar que stan porparados para ls porblemas que púodan aparecer. L presidente realçou l grande porfissionalismo i amor puls bumbeiros de l comando i de todo l cuorpo atibo.
Acabadas las obras de la barraige i de l IC5 nun ban a acabar ls porblemas, mas irán a aparecer outros cumo possibles acidentes cun outras biaturas i eiquipamentos que poderán aparecer por bias de las nuobas infranstruturas. Mas será ua de las preacupaçones de la nuoba direçon dar ua melhor formaçon als bumbeiros i arranjar ls eiquipamentos neçairos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
