Las obras nas barraiges de Picuote i Miranda para aumentar la porduçon de mais einergie eilétrica son amportantes para aumentar la riqueza de Pertual i inda que l nuosso cunceilho nun benga a ser beneficiado cumo deberie ser, siempre ban a traer alguns melhoramentos que la EDP negociou cun la câmara. Un de ls melhoramentos y ela costruçon de nuobas ETAS (Estações de Tratamento de Água).
Las obras de la nuoba staçon de Picuote
La nuoba staçon bai a quedar nas arribas de l Douro, bien acerquita de la barraige i pouco mal irá a fazer al ambiente i a las abes selbaiges. Hai quien pense que nun será assi, mas nada melhor que ir a ber. Onte tubimos la ouportunidade de ber i hai algo que mos admirou bastante, que fui ber ls abutros a bolar subre las obras. Ls animales tamien se sáben ir habituando a las mudanças.
Quando acabadas las obras mal se bai a ber
Esto queda an frente de las obras
Todo l que puoda eibitar l gasto de l petrólio i sous deribados ye l que mais amporta, tanto porque eibita mais gastos nas amportaçones, cumo porque eibita l aumento de la poluiçon, i esta si que ye la que mais mal faç als animales.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
