MAIS BAL PREBENIR…
Porque l dito “mais bal prebenir que remediar” ten cada beç mais rezon de eisistir ye que hai que fazer de cunta, muitas bezes, para melhor daprender a lidar culas cousas. Ora ls bumbeiros ténen muitas bezes de lidar cun situaçones mui cumplicadas i hai que star porparado i para esso, nada melhor que fazer de cunta que las situaçones acuntécen, para sabéren cumo tratar bien deilhas.
Zona de acesso a las turbinas
Las obras na barraige de Picuote son mui grandes i púoden aparecer muitas situaçones que hai que resolber i ye para esso que hai que simular acidentes para daprender a tratar deilhes. La sigurança i prebençon son dues cousas que stan bien asseguradas puls que fázen las obras i podemos dezir que, feliçmente, poucos ténen sido ls acidentes grabes.
Decida al sitio de l acidente
Mas cumo todo puode acuntecer, ls ancarregados pula sigurancia i ls bumbeiros de Sendin fazírun un simulacro de acidente, 100m abaixo de la auga de l riu, ne ls tunels adonde ban a quedar las turbinas. L HOIJE tamien stubo presente, para filmar la atuaçon de las bárias fuorças ambuolbidas i apuis podéren ber l que stubo bien i mal.
Salbamento de un ferido
Salida de la anfermeira
Çcusson i cunclusones finales
Hoije solo bos amostramos ls retratos de l simulacro, mas luogo que prontos, bos amostraremos alguns bideos cun alguas de las situaçones de l acidente simulado.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
