Que melhor sitio para fazer turismo que l nuosso termo? Muitas bezes gasta-se denheiro para ir por ende a turistar i squecemos que mesmo por baixo de l nuosso nariç hai cousas tan guapas. Mesmo ls que eiqui nacírun nien míran pals lados ou nun se dan cunta de la beleza de las nuossas tierras.
Quantos de ls que stais na cidade nunca bos destes al cuidado de benir an tiempo de Primabera? Nós mesmos a cada die que passa bamos ancuntrando cousas nuobas i quantas bezes damos cun nós a pensar que dues bidas nun chegaríen para ber todos ls ncantos de l Praino.
Yá habiemos passado muitas bezes por este sitio, mas la máquina de ls retratos parecie que nun querie ir, até que hoije chegou la hora de tirar estes retratos para bos ancantar. Ye mesmo a la borda de la strada que bai de Sendin para Mogadouro un pouco a seguir a Brunhosinho, na reta a la mano dreita hai este jardin, naide l semeou ou tratou, la natureza ye que l fizo.
Tanta i tan guapas froles! I l cielo a rir…
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
