L HOIJE tamien ten que ser un sitio de cultura i de apoio a la cultura, mas la cultura sana i nó ua cultura de pantominas que solo sierbe anquanto anteressa i de que nada queda. La giente ten que ser chamada a partecipar i sien apeias, l poder politico debe serbir para apoiar i nó para liderar, porque solo assi la giente bei la cultura cumo sue i nó de un partido ou de uns poucos. Tamien nun púoden ser apoiados ls amigos que muitas bezes, solo fázen atibidades porque le págan i gánhan cun esso, mas ls que fázen atibidades cul sou trabalho i sfuorço.
La ESE (Escola Superior de Educação) de l IPB(Instituto Plitécnico de Bragança), adonde se fórman muitos de ls nuossos filhos i feturos porsores de ls moços de l Praino, einiciou un ciclo dedicado al triato i ye desso l bideo d’hoije. Sabemos que alguns gústan menos destes bideos, mas cuido que ye anteressante bé-lo. Un pouco de cultura i de arte, mesmo que solo para desso mos darmos cunta, nun faç mal a naide.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
