Sien obras nun hai trabalho i sien trabalho nun hai denheiro, ou melhor nun deberie haber, mas inda hai ls que gánhan sien fazer nada. Acupar lugares para ser amportante ou para gastar denheiro que ye de ls outros ye fácele, mas inda hai quien se preocupe an ambestir i an fazer todo para l zambuolbimento de l Praino.
Atenor
Fúrun apresentados al PRODER bários porjetos i ye cun sastifaçon que bemos ser aprobados pula CORANE; de que son admenistradores l drº Artur Nunes, presidente de la Câmara de Miranda i l drº. Almendra, presidente de la Copratiba Ribadouro ; siete porjetos para l cunceilho de Miranda de l Douro.
Sendin
Gostariemos que outros porjetos fússen apresentados, mas bai a ser abierto outro período para apresentaçon de nuobos porjetos i desso bos daremos amboras cumo fazimos aquando de la abertura deste cuncurso.
Picuote
Freixenosa
Sendim tubo dous, un porjeto de 232 708 euros i outro de 171 000 euros aprobados, Picuote dous, un de 97 000 euros i outro de 57 176 euros, Miranda un de 120 729 euros, Freixenosa un de 155 217 euros i Atenor un de 86 000 euros. Ye acerca de un melhon de euros que ban a ser gastos ne l cunceilho.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
