Fizo onte trinta anhos la Associaçon de pertueses de Melun – França i cumo ye l més de Maio, més ne Nuossa Senhora de Fátima, houbo fiesta cun missa al aire libre i procisson de Nuossa Senhora de Fátima. De la associaçon fázen parte tamien sendineses i fui Antonho Paxareiro que mos mandou ls retratos.
La missa
La procisson
Ls pastoricos
L HOIJE ye bisto por muito sendinés i muita giente de l Praino i de todo mundo, que gústan de saber nuobas de las nuossas tierras. Ls que stan loinje i cumo sáben que eiqui tamien hai muita giente ami(g)a i coincida, quíeren que l HOIJE deia a coincer l que se passa tamien ne ls sítios adonde stan.
Paxareiro, mulher i filha
Abílio Pitica i mulher
Moreira e mulher
Cumo queremos que cada beç mais, l HOIJE seia un berdadeiro modo de li(g)ar a todos, dando amboras de todas las atibidades de las gientes de l Praino, deiqui i de ls sítios adonde stéien, passaremos a poner las amboras, ls bideos i ls retratos que mos ambiardes.
Jorge poca i mulher
Fernando Soares i familhia
Cumo podeis ber puls retratos, la cultura de las nuossas tierras ye la cultura de la nuossa giente adonde quiera que steia. La cultura nun se ancomenda ou se ambenta, stá adonde stá la giente que libremente la puoda manifestar.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
