Fui hoije la fiesta de San Miguel, l arcanjo que segundo rézan las crónicas fui l anjo que chefiou ls anjos que lutórun acontra ls que se rebuoltórun acontra Dius. Ye l anjo protetor acontra ls anjos malos i acontra ls spritos malinos que baguéian ne l mundo para perdiçon de ls homes.
L culto deste Santo bén de l tiempo de las ambasones de ls mouros, que segundo la tradiçon nun beníen solo a cunquistar la Ibéria , mas que beníen a traer ua religion que ls cristianos antendíen cumo ua religion acontra Dius.
L culto deste Santo eisiste na muitas tierras de esta region, de Pertual i Spanha. Inda onte fui la fiesta al mesmo Santo na Panilha, mesmo de lado de alhá de l riu i adonde ban todos ls anhos muitos pertueses de las aldés de l lado de acá de l riu. Nós tamien bamos alguas bezes, mas este anho nun fui possible.
Ls sendineses sáben bien desta fiesta, yá que se púoden ber i oubir ls foguetes de la procisson, an sendin. Tenemos l bideo de la procisson de la fiesta de Palaçuolo i que bos amostraremos manhana assi cumo bos falaremos mais de la tradiçon desta fiesta.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
