La Copratiba , para melhor serbir ls sous associados, percipalmente ls que solo ne ls fins de semana úoden ir a la Copratiba , passa a tener als Sábados, un posto de bendas abierto al público. Tamien ye un modo de serbir melhor las pessonas que bénen al Praino a partecipar nas atibidades que eiqui se fázen ou que bénen a turistar.
Aporbeitamos para dar ua anformaçon de la Copratiba , que ye para todos ls que quejíren ancluir nas sues atibidades, ua proba de binos ou ua bejita guiada:
“ La Copratiba stá abierta a colaborar cun todo mundo zde que partecípen cun pul menos 15 dies, l que quíeren fazer i que haba acordo para l modo de partecipaçon ”.
La Copratiba cunseguiu mais un purmeiro prémio cul sous binos i yá bos anformaremos de todo, lhougo que mos séian dados todos ls eilementos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
