Tal cumo ne l Porto, an Bergáncia i an Lisboua, tamien ls sendineses a bibir an Francia fazírun un cumbibio para se ajuntáren i podéren falar i lembrar la sue tierra i las sues familhias que nunca squécen. Las deficuldades de la bida son aparecidas por toda la Ouropa , mas ls sendineses sáben ultrapassar todo.
Sabemos bien de l que son capazes ls sendineses, quando ls déixan fazer las cousas an liberdade. Nun precísan de la politica ou de ls denheiros públicos para fazer las fiestas i nun las fázen para parecer bien, mas por amizade i para cumbibíren cun alegrie, fui l que acunteciu neste cumbibio cumo podeis ber puls retratos.
L HOIJE amostra cun agrado ls retratos i dá-bos la ambora de la fiesta chamando-bos a la atençon la oureginalidade de las camisolas de ls churingos, ye assi que son ls sendineses, giente cun ourgulho de la sue cundiçon i de ls sous antepassados. Amigos de la sue tierra i que nós, todos ls dies lebamos a todos ls cantos de l mundo.
Mirai bien pals retratos porque hai sendineses que podeis ber eiqui a cada momento, mas que pássan anhos sien ancuntrardes. Que ls que stan noutros lados mos mánden ls retratos para amostrar tamien.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
