Pouca giente sabe que el-rei D.Dinis stubo ne l Praino, mas manhana podeis ber la sue antrada an Miranda nua ancenaçon drento de l porgrama de la Feira Mediabal i de que faç parte tamien die 29, la chegada de la reina Santa Sabel. La feira mediabal ye un eibento que la câmara faç este anho para dinamizar la cidade i tamien dar ua liçon de stória.
D.Dinis
Ne ls dies 28, 29 i 30 bale la pena ir a Miranda porque podereis ber muito de l que fui la bida ne l tiempo de D. Dinis i quedai a saber que nesse tiempo, l Praino era ua de las regiones mais nobres de Pertual. Pouco quedou na stória, mas esta nun ye solo l que stá scrito ou que meia dúzia de anteletuales presumidos dízen, mas tamien muito que por nun star scrito se puode hoije saber puls decumentos físicos.
Santa Isabel
La reina “Santa Isabel”, la reina de las rosas an Janeiro, antrou pula purmeira beç an Pertual, porqui. Fui este l purmeiro termo pertués que eilha pisou.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
