A las 10h de la manhana abriu la feira mediabal de Miranda cun la leitura de l’eidital i por las rues houbo animaçon durante tol die. A las 14h antrou D. Dinis ne l burgo i l cortejo corriu las rues de Miranda tenendo ampeçado na rue de la Costanilha. A las 15h30 screbiu-se l Foral, que fui lido ne l largo de la Sé.
Por orde de D.Dinis criórun-se ls cuorpos de besteiros de l cunto i antregórun-se las bestas als bilones de l burgo. Oubírun-se las cantigas de Fonso X i houbo amostra de armas. A seguir houbo l triato popular mirandés – quelóquio “Auto de todo l mundo i de naide” .
La animaçon cuntinou por toda la cidade i a las uito de la nuite fui la cena mediabal i fui anunciada la adoçon de la léngua de l pobo cumo léngua pertuesa an todos ls decumentos de scrituraçon i por la nuite alantre oubírun-se ls cuncertos i dançou-se cun ls beiladores bestidos a rigor cunsante l tiempo de D. Dinis.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
