Hoije fui l segundo die de la feira i Miranda regressou al tiempo de D. Dinis. A la 10h liu-se l eidital i abriu l mercado, hoije fui l die de las freguesies. La profissionalizaçon de la politica amostrou bien l que se passa hoije cun estes eibentos, muita giente yá solo trabalha se l págan ou por anteresses que nó la cultura ou la tradiçon, mas inda houbo freguesies an que se biu l pobo an fiesta.
A las 14h30 chegou la reina Santa Sabel i l corteijo seguiu por la abenida Aranda de l Douro, largo de l Castilho, rue Mouzinho de Albuquerque, até al cumbento de ls frades Trinos. Seguiu-se un torneio antre cabaleiros pertueses i spanholes i eisercícios de caça cun falcones.
A la nuite houbo la cena mediabal i fazírun-se bários porgramas cumo l’assalto al Castilho para salbar las freiras presas na torre puls castelhanos, ua fiesta sarracena cun danças árabes i un spetáclo de malabarismo de fuogo da lienda de la Moura de l Poço de l Castilho. Houbo inda l spetáclo “Caça al Trasgo” i acabou cun la musica de ls Galamdum-Galandaina.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
