L eibento de la feira mediabal fui de tal modo amportante para la cultura, la tradiçon i para l turismo, que nun ye demais que l HOIJE le deia mais dies de amboras. Nun mos fui possible acumpanhar todo, mas queremos dezir-bos l que houbo de mais amportante. Hoije cuntinórun ls festejos pulas rues i l mercado stubo mui animado.
A las onze fui la missa mediabal i a las doze chegórun ls romeiros de Santiago de Compostela. A las 14h30 D Dinis cunfirmou l’outrizaçon de l Papa para la Orde eileger un Probincial Andependente de la Hispânia i anunciou la criaçon de la Orde de Cristo cun ls teneres de ls Templários.
Apuis chegou Fonso X i houbo un torneio na sue honor. A las seis de la tarde houbo un Cuncerto Mediabal na Sé i labórun-se ls cestos i las almotolias. La feira ancerrou a las 20h30 i assi se acabórun ls festejos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
