Antidades anbuolbidas:
Direcção Regional de Cultura do Norte – DRCN
Lérias Associação Cultural
Galandum Galundaina Associação Cultural
Associação para o Estudo e Protecção do Gado Asinino - AEPGA
De 30 de Júlio a 1 de Agosto 2010,
Sendin – Miranda de l Douro
Cun este eibento pretende-se dibulgar un setor d'artes i oufícios de raiç manufatural, cun ancidéncia para strumientos musicales, bien cumo proporcionar la ligaçon antre musiqueiros i custrutores, ua beç que ls musiqueiros son ls percipales outelizadores de ls strumientos tradecionales. La música tradecional de tradiçon oural associa-se cula cultura regional ó nacional i muostra hoije un papel fundamental pa l'eidantidade dua region, para salientar l'amportança i la necidade dua arte i oufício, criámos ua feira, un museu bibo adonde se cuntina a cuntar stórias, un ancuontro de fabricantes de strumientos i músicos, adonde se associa l spácio para daprendizaige, saber i trocas de spriéncias.
ANSCRIÇONES ABIERTAS I LEMITADAS (ATÉ DIE 14 JULHO)
X Fiesta de la Amisade – Ancuontro de Idosos Mirandeses
Rializa-se ne l próssimo die 10 de Júnio, ne l recinto de l Naso, na Pruoba, Miranda de l Douro la X Fiesta de la Amisade. Este ye un eibento que pretende proporcionar un die defrente als idosos de l cunceilho. L'eibento cunta yá cun mais mil pessonas anscritas. De l porgrama çtacan-se bárias atebidades, zde poesie, jogos tradecionales, animaçon musical, dança, cumbíbio i muito dibertimiento.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
