Cumo sabemos que muitos de ls que ledes l HOIJE nun podeis ir a ber la sposiçon pensemos amostrar-bos este bideo de la LOCALVISÃO , telbison regional i que muito ten cuntribuido para mos dar amboras de la nuossa tierra. Ls bideos son públicos i púoden ser bisto ne l sapo, mas ls que dízen respeito al nuosso cunceilho, siempre ls iremos ponendo eiqui, porque todos ls amigos de l Praino, de l HOIJE i de l mirandés bien merécen tener un sitio para estas amboras.
Ye un bideo que amostra la maiorie de ls strumientos na sposiçon de que yá bos habiemos falado ne ls dies atrasados i tamien ua antrebista a la bereadora de la cultura de la câmara de Miranda. La cultura parece que desta beç ten ua pessona anteressada na bereaçon, yá era tiempo de la atitude politica de ls outarcas ampeçar a mirar para las cousas i nó para cumo arranjar einemios que justefíquen la falta de eimaginaçon.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
