Loinje ban ls tiempos an que l Sendin era un de ls grandes de l çtrital de Bergáncia, mas l cunceilho stá de parabienes porque l clube de Miranda cuntina a honrar l Praino i mais ua beç ganha la taça de la Associaçon de Futebol de Bregáncia. L jogo de la final fui antre l Argoselo, que ganhou l campeonato i l Mirandés que acabou por ganhar l jogo por 2-0 .
Este bideo amostra bien la alegrie de ls jogadores de l mirandés i de la giente de Miranda que fui a Bergáncia. Para nós sendineses, queda l cunsolo de ber que l treinador de l Argoselo fui jogador i treinador de l Sendin i l treinador de l Mirandés ye l nuosso cunterraneo Chico Parreira. Parabienes a todos, al Argoselo por tener ganhado l campeonato i ir a la 3ª. Debison i al Mirandés por ganhar la taça i que para l anho que ben, l Sendin cunsiga antrar de nuobo ne l grupo de ls maiores de l çtrital.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
