Strumientos musicales mediebales
Até al die 30 de Júnio la sala de sposiçones temporárias de l Museu de la Tierra de Miranda apersenta al público “strumientos musicales mediebales” . Esta ye ua muostra que pretende apersentar alguns strumientos musicales, nomeadamente rabecas i pandeiros, d'ourige mediebal outelizados na Tierra de Miranda . L'outor de las peças apersentadas, Paulo Meirinhos ye natural de Fuonte Aldé, de l cunceilho de Miranda de l Douro, musiqueiro profissional de tradiçon fameliar, fundador de l grupo musical “Galandun Galundaina”.
Sposiçon de Strumientos Musicales Populares de Castielha i Lhion
La Casa de la Cultura Mirandesa muostra al publico la sposiçon de Strumientos MUsicales Populares de Castielha i Lhion de Fernando Coldrón. Ne l dezir de l spositor, l oujetibo prencipal desta sposiçon “nun ye mais do que ua pequeinha i houmilde houmenaige a todas las pessonas que bibírun antes de nós, ou que inda, i estas anfeliçmente muitas menos, aqueilhas que manténen de algun modo biba la riquíssema tradiçon anterpretatiba i esse tan grande património que persupon la custrucion de strumientos cun ls quales, todos nós, dun modo ou doutro acabamos por çfruitar” , diç Fernando Colodrón. Esta muostra de strumientos stá abierta al público até al 30 de Júnio.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
