Cumo ye uso tols anhos ne l die de Pertual, la câmara faç un ancontro de ls mais bielhos ne l Naso. Las carreiras ban pulas aldés a buscar ls que se anscrebírun para ir a la fiesta i l’ajuntouro ye ne l cabeço de l Naso adonde cumbíben i fázen jogos tradecionales. Mas l mais amportante ye ber ls ancontros de ls homes i mulhieres de todas las aldés, para faláren i se cumprimentáren, cousa que yá nun serie possible durante l anho se nun fúrun estes ancontros.
L almuorço ye tamien un momento amportante porque ye un modo de todos almuorçáren a lembrar ls almuorços de ls trabalhos de la segada i de la trilha adonde tamien se ajuntában a comer quadrilhas de pessonas. Stamos nun tiempo de crise i de tener que poupar, mas estas fiestas son neçairas porque la bida nun ye solo eiquenomie.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
