Ténen chegado al HOIJE muitos pedidos de retratos de la feira mediabal de Miranda, mas nun podemos poner todos ls que tenemos, mas cumo sabemos que para alhá de la feira i de todas las atibidades que alhá se zambuolbírun, son amportantes ls retratos de las pessonas coincidas i cumo partecipórun ne l eibento, bamos a poner alguns. Noutros dies poneremos outros.
Tamien será amportante berdes muitas de las situaçones que las aldés i alguas associaçones quejírun amostrar, cumo las cousas que se bendíen nas feiras mediabales i ls pordutos de ls oufícios de l tiempo. Será esso que tamien bos eiremos amostranto noutros dies, mas purmeiro, iremos dando las amboras de l que se bai passando i de que l’ HOIJE bai tenendo cincimento.
Ls retratos d’hoije son percipalmente de pessonas de Sendin i de la câmara (presidente de la Assamblé Munecipal , bereadores i ampregados), mas tamien poneremos alguas de pessonas de las aldés de l Praino que partecípan ne l HOIJE i que alhá stubírun assi cumo de leitores deste sitio que fumos apanando durante la feira.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
