Ser coincido, ser amportante, arrastrar atrás de un muita giente ye l que amporta i para chegar a esso nun amporta fazer seia l que fur. Nada tenemos acontra Bruna, porque la libardade ye l mais amportante i aqueilhes que mais la cretícan son ls que le dórun notariadade i que menos rezon ténen de la criticar. La bida ye esto mesmo i hai muito mais cun que la giente se preacupar.
Mas hoije a la nuite, Bruna stará an Miranda i de cierto que ls moços i moças de Sendin starán an maior númaro alhá que na casa de l pobo. Quando se trata de resolber algua cousa, naide le pregunta la sue oupenion i apuis quíeren que aparéçan a resolber ls porblemas que la ancumpetencia de quien manda arranjou. Para quien nun sabe, hai ua cumbocatória para la giente ir al salon de la Junta çcutir l que ne l die 6 de Maio nós eiqui dezimos que se staba a passar.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
