Acá stamos mais ua beç para bos amostrar ls retratos de las pessonas de l Praino, sien que eilhas mos habíssen pedido ou porque las queremos pormober, mas porque ténen dreito a que ls mirandeses las recórden, porque partecipórun nun de ls eibentos mais amportantes de ls últimos anhos ne l cunceilho.
Inda tenemos mais que las iremos amostrando noutros dies. Podeis preguntar porque nun las amostramos todas dua beç, purmeiro porque hai que las porparar i selecionar i nun trabalhamos solo neste trabalho, por outro lado pensamos que ye melhor assi, para mais fácelmente se eidentificáren i se podéren memorizar. Para ls que dízen que muito se fala na feira solo ls pregunto porque fálan tanto i a toda la hora an pantominas i nun dízen nada? Será que hai algo mais amportante que las pessonas?
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
