Ye de las arribas de l Douro la bodega “ La Setera ”, que hoije fumos a ber, mas de l lado de alhá, mesmo acerquita de Penilha nua tierra que se chama “Fornillos de Fermoselle”. Para quien passa camino de la barraige de Almendra, a seguir a Fermoselhe, mal se dá cuonta de que eisiste, mas alhi ancuntremos un modo de criar riqueza i de aporbeitar ls recursos naturales, para un melhor zambuolbimento antegrado.
Fornillos
L queiso, l azeite i l bino, son aporbeitados para que “ La Setera ” seia un sitio turístico, adonde tol anho ban muitos turistas, para saboreáren i mercáren esses pordutos naturales, que Francisco Martinez faç. Ye de las binhas bielhas de las arribas, que la “tinta gorda” i “la malbasia fina” sálen para dar ls binos tinto i branco de “La setera”. Fumos ber i porbar, hai que saber l que de buono se faç, para podermos, tamien nós, fazer buonos binos, porque tamien tenemos cundiçones eiguales.
La setera
Ne l Praino yá hai tamien pordutores que quíren apostar na culidade i la Cooperatiba nun puode star a dromir, ye cun tiempo que se bai porparando l feturo, para nun tener que andar “a tiu.. a tiu… “. Mas pul si pul nó, tamien nós bamos porparando l feturo para nun depender de ls outros.
L presidente de la TRANSVINIS i Paulo Fonseca
Ls binos
La bodega para alhá de ls sítios adonde se fázen ls pordutos, ten tamien ua casa rural adonde se bénden l bino, l queiso i l azeite.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
