Tols anhos ls bumbeiros fázen ua sadinada pul San Juan, junto al quartel i adonde púoden partecipar ls que quejíren zde que páguen las sardinas. Este anho, para alá de ls associados i familhias, anscrebírun-se tamien alguas pessonas amigas l que fizo cun que la fiesta stubisse animada.
Houbo sardinas assadas i pumientos, mas para ls que nun l gústan tanto las sardinas, houbo barriga de cochino i caldo berde. Estas fiestas tamien son amportantes porque ajúdan a squecer ls tiempos defíceles que esta crise stá a fazer passar a todos. Mas para l HOIJE ye tamien un modo de amostrarmos als que ándan pul mundo a ganhar la bida, ls familhiares i amigos.
Eiqui bos deixamos alguns retratos de la sardinada. Ne l fin houbo tamien musica i até foguetes.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
