Realizou-se ne l jardin de l Centro de Arte Cuntemporanea, Graça Morais, an Bregáncia, ua proba de ls pordutos regionales mais usados ne ls comeres Trasmontanos, cun realce para l azeite de culidade i l bino que ténen benido a ganhar cada beç mais prémios a nible nacional. Para esso muito ténen cuntribuido l presidente de la Associaçon de Olibicultores i de l presidente de la Trasbinis , assi cumo la nuossa Copratiba. Quando hai mais colaboraçon i menos politica antre ls bários agentes todo cuorre melhor.
Este ye un sitio adonde yá bénen muitos leitores de todo lado, mas para alguas pessonas inda parece que ye solo de Sendin ou solo para sendineses, mas ye para ls amigos de l mirandés i de ls sendineses que nun míran solo para l sou umbelhigo, assi cumo para todo mundo que querga saber nuobas de l Praino.
Para que melhor se puoda antender la ambora de hoije, anformamos que l presidente de la Associaçon de Olibicultores , ye l angº. Pavão, presidente de la CVRTM (Comisson Regional de Vinhos) de que la nuossa Cooperatiba faç parte i stá na direçon i l presidente de la Trasbinis ye l angº. Cruz, que muitos sendineses conhécen porque ten colaborado na plantaçon de las binhas nuobas. Antes de íren para Bergáncia stubírun na Cooperatiba de Sendin a antregar la medalha de prata que ganhemos i a recolher ls nuossos binos par lebar para la proba gastronómica.
