- 25ª Jornada Mundial de la Mocidade (2010): «Buono Mestre, que debo fazer para tener an hardança la bida eiterna?» (Mc 10, 17).
Bento XVI spera ls moços de l mundo anteiro an 2011, an Madrid, Spanha pa las XXVI JMJ, antre ls dies 16 i 22 de Agosto. Será, sin dúbeda, ua grande ouportunidade pa l cumbíbio, la diberson, la fé, l'ouracion, l'ounion de fuorças i l'ancuontro cun Cristo.
Podemos dezir que todo ampeçou ne l'anho de 1984, quando l Papa João Paulo II cumbocou ls moços pa l Jubileu de la Mocidade i 300.000 moços atendírun l cumbite de l Papa i dirigírun-se a Roma.
Nesta oucasion, ls moços tubírun possiblidade de se ancontrar cun alguas personalidades, cumo Madre Teresa de Calcutá i l’Armano Roger. Celebrou-se l'eucaristie na praça de San Pedro i la Bia Sacra ne l Coliseu. Na bíespera de l demingo de Ramos, l Papa chamou ls moços: “Quien afirmou que la mocidade atual yá nun ten antresse ne ls balores? Ye berdade que yá nun se puode cuntar culha?” Cun estas palabras, João Paulo II antregou als moços ua Cruç gigante de madeira, que mais tarde se tornarie la Cruç de la Jornada Mundial de la Mocidade.
Ye esta Cruç que stá ne l nuosso çtrito. Todo se faç para ls diuses de la tierra i ls que debíen tratar de Dius, solo pénsan an agradar a esses, diuses de pies de barro. Será que ls moços sendineses nun respónden al chamamento de João Paulo II?
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
