Ampeçou la época de futebol de 2010-2011 i ampeçou de la melhor maneira porque assistimos a un grande jogo de futebol. Las dues melhores eiquipas de Pertual jogórun la Supertaça i l F.C.Porto fui quien jogou melhor i ganhou, cousa que deixou cuntentos tanto l SAL cumo l HOIJE porque nós somos por aqueilhes que jógan melhor i quando quien joga melhor ganha, todo queda bien.
Tamien bamos a dar amboras de l futebol çtrital i de las eiquipas de l Praino por esso, ls que gústan de bola ban tamien a tener eiqui las amboras mais amportantes, cumo yá ibamos fazendo. Hoije l bideo ye de las antrebistas als jogadores de l F.C.Porto a seguir al final de l jogo de la SUPERTAÇA. Nesta sumana iremos dar-bos nuobas de ls jogadores de l Sendin i bamos publicar ua antrebista que fazimos al Presidente de l G.D.SENDIM.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
